रौतहट। माधवनारायण नगरपालिका वडा नं.२ खेसरहीया स्थित श्री हनुमान मन्दिरका पुजारी श्रीराम साहको गोली हानि हत्या गरिएको घटनाको हिन्दू परिषद नेपालले घोर भत्सर्ना गरेको छ ।
परिषदका केन्द्रिय अध्यक्ष संतोष पटेल र महासचिव अनिरुद्ध सिंह द्वारा संयुक्त रुपमा जारि प्रेस विज्ञप्तिमा उक्त घटनाको दोषीलाई अबिलम्ब पक्राउ गरी कडा कारवाही गर्न नेपाल सरकार संग माग गरेका छन् । साँझको नियमित पूजा सकेर राति खाना खान बसेका पुजारी साहलाई अज्ञात व्यक्तिले नजिकै बाट कन्चटमा गोली हानेका थिए ।
विज्ञप्तिमा लिखिए अनुसार मुलुकमा दिन प्रति दिन हिन्दू आस्था माथि खेलवाड़को घटना बढ्दै गएको छ।कहिले मठ-मन्दिर माथि आक्रमण, कहिले पूजापाठ हुने ठाउँमा गैर हिन्दूहरुको अनावश्यक चलखेल,सरकारी एवं गैर सरकारी निकायको मिलेमतोमा धर्म परिवर्तन र राजनीतिक दलका नेताहरुको हिन्दू बिरोधी अभिब्यक्ति सनातन धर्म माथि बारम्बार प्रहार हुनु आफैमा चिन्ताजनक रहेको र अब त अति नै भएको बिज्ञप्तिमा जनाईएको छ। बिज्ञप्तिमा स्थानीय सुरक्षा प्रमुखहरु र प्रदेश न.( २ सुरक्षा प्रमुख लाई यो घटना लाई गंभीर रुपमा लीन अनुरोध गर्दै पुजारी ज्यूलाई न्याय दिलाऊँन हिन्दू परिषद नेपाल प्रतिबद्ध रहेको जनाईएको छ।
