गोली प्रहार गरि श्रीमतीको हत्या

सर्लाही । सर्लाहीमा एक पुरुषले गोली हानेर श्रीमतीको हत्या गरेका छन्। गाेली लागृर ती पुरुषका बुवा गम्भीर घाइते छन्।

सर्लाहीकाे हरिपुर्वा नगरपालिका वडा नम्बर ५ मा बिहीबार बिहान पौने दुई बजे ती अभियुक्तले गोली प्रहार गरी २३ वर्षीया श्रीमती चित्रलेखा यादवको हत्या गरेका हुन्। गोली प्रहारबाट ५४ वर्षीया बुवा रामदिनेश रायलाई घाइते बनाएको सर्लाहीका प्रहरी प्रवक्ता प्रहरी नायब उपरीक्षक दिपक श्रेष्ठले जानकारी दिए।

गाेली हान्ने पुरुष फरार रहेको र खोजी भइरहेको श्रेष्ठले जानकारी दिए। प्रहरीले अभियुक्त ती पुरुषको नाम खुलाएको छैन।

चित्रलेखा बायाँ कञ्चटमा गोली लागेको अवस्थामा फेला परेको र उनको घटनास्थलमै मृत्यु भएको प्रवक्ता श्रेष्ठले जानकारी दिए।