चोरीका मोटरसाइकल सहित ३ जना पक्राउ

गौर,०३ भदौ ।
रौतहट जिल्लाको विभिन्न स्थानहरुमा मोटरसाइकल चोरीका घटनामा वृद्धि हुन थालेपछि रौतहट प्रहरीको अपराध अनुसन्धान शाखाले चोरी भएका मोटरसाइकल सहित तिन जनालाई नियन्त्रणमा लिएर कारवाही प्रक्रिया अगाडी बढाएको छ ।
चन्द्रपुर, वृन्दावन र मौलापुर नपामा मोटरसाइकल चोरीका घटनामा वृद्धि भएपछि उक्त कार्यलाई निरुत्साहित गर्न र त्यस्ता कार्यमा संलग्न रहेका व्यक्तिलाई समात्नका लागि जिल्ला प्रहरी कार्यालय रौतहटको अपराध अनुसन्धान शाखाको प्रयासमा वारा जिल्लाको कोहल्वी नगरपालिका ९ श्रीपुर स्थित ग्यारेज पसल भएको घरमा छापा मार्दा पार्टपुर्जाहरु अदलीबदी गरिरहेको अवस्थामा प्रहरीले तिन जनालाई नियन्त्रणमा लिएको हो ।
जिल्ला प्रहरी कार्यालय रौतहटद्धारा सोमवार जारी गरिएको विज्ञप्तीमा वारा जिल्लाको कोहल्वी नपा ९ श्रीपुर स्थित एक ग्यारेज जस्तो देखिने घरमा वारा प्रहरीको सहयोगमा छापा मार्दा मोटरसाइकलको पार्टपुर्जा अदलीबदली गरिरहेका रौतहटको फतुवा विजयपुर नपा ११ का बर्ष १९ का कमल चौधरी, बर्ष २३ का अरुण चौधरी र वर्ष २७ का अखिलेश चौधरीलाई नियन्त्रणमा लिएर अनुसन्धान गर्दा मोटरसाइकल चोरीका घटनाहरुमा संलग्न रहेको स्वीकारेका छन् ।
वृन्दावन नपा ३ का सोनालाल प्रसाद यावदको चन्द्रपुर बजारबाट ना. ४६ प. २२८२ नम्वरको २२० सिसिको पल्सर, चन्द्रपुर नपा ४ बाटै ना. ६२ प. ९४९० नम्वरको २२० सिसिको पल्सर, सोही स्थानबाट ना.०२३–००१ प ४२४० नम्वरको १५० सिसिको पल्सर, मौलापुर नपा ५ स्थित इन्द्रधनुष पेट्रोल पम्प अगाडी पार्किंग गरिएका विआर ०३० यु ६६०६ नम्वरको पल्सर मोटरसाइकल चोरी गरेको पक्राउ परेका तिनै जना युवकले प्रहरी समक्ष कसुर स्वीकार गरेको उक्त विज्ञप्तीमा उल्लेख गरिएको छ ।
चोरी भएका मध्ये एउटा मोटरसाइकल मात्रै अहिले सम्म प्रहरीले बरामद गर्न सफल भएको अन्य मोटरसाइकलहरुको खोजी कार्य जारी रहेको रौतहट प्रहरीका एसपी भुपेन्द्रबहादुर खत्रीले बताए ।
बरामद भएका मोटरसाइकलमा पनि इन्जिन र पार्टपुर्जाहरु अदलीबदली गरी नयाँ स्वरुप बनाएर सस्तो मूल्यमा विक्री गर्ने गिरोहलाई नियन्त्रणमा लिन सफल भएका छौं, मोटरसाइकल चोरीका घटनामा वृद्धि भएपछि प्रहरी चोर गिरोहको पर्दाफास गर्नमा दिन रात मेहनत गर्दा नजिता सवै सामु आएको उनले दाबी गरे ।
उक्त कार्यमा संलग्न अन्य शंकाष्पद व्याक्तीहरु तथा गिरोह समेत हुन सक्ने भएको हुदा प्रहरीले सुक्ष्म अनुसन्धान गरिरहेको तथा पक्राउ परेका तिनै जनालाई रौतहट जिल्ला अदालतबाट म्याद थप गरी अनुन्धान कार्य भईरहेको समेत उनले जानकारी दिए ।

https://www.janasarokardainik.com/wp-content/uploads/2023/06/chapur-7-2.jpg