बुटवल २ भदौ । नवलपरासी (सुस्ता–पश्चिम) बाट ६५ हजार घुस रकमसहित दुई जनालाई अख्तियार कार्यालय बुटवलको टोलीले आज पक्राउ गरेको छ । सब डिभिजन कार्यालय नवलपरासीका सहायक वन अधिकृत पर्शुराम चौधरी ६५ हजार घुससहित पक्राउ परेका हुन् ।
उनीसँगै वन कार्यलय रहेको भवनका घरधनी मनोजकुमार शर्मालाई पनि पक्राउ गरिएको छ । सहायक वन अधिकृत चौधरीले सेवाग्राहीको मुद्धा मिलाइदिने भन्दै रकम मागेका थिए ।
उक्त रकम घरधनीमार्फत ल्याउने क्रममा प्रकाउ गरिएको छ । उनीहरुलाई सरकारी वकिलको कार्यालय परिसरबाट पक्राउ गरिएको अख्तियार दुरुपयोग अनुसन्धान कार्यालय बुटवलले जनाएको छ । दुवैलाई अहिले बुटवलमा राखेर बयान लिइरहेको छ । साभार रातोपाटी
