बुहारीको हत्या गरेर फरार बाबुु छोरा पक्राउ

गौर,२१ साउन ।
दाईजो नदिएको भन्दै यातना दिएर बुहारीलाई हत्या गरी फरार रहेका बाबुु छोरालाई रौतहट प्रहरीले पक्राउ गरेको छ ।
पक्राउ पर्नेमा तत्कालीन पचरुखी गाविस ६ हाल दुुर्गा भगवती गाउ“पालिका ४ का बाबुु खोभाडी मिश्र र छोरा श्यामप्रकाश मिश्र रहेको जिल्ला प्रहरी प्रवक्ता डिएसपी नविन कार्कीले बताए ।
आफनै श्रीमती डोली मिश्रको हत्यागरी फरार भएको आरोपमा जिल्ला अदालत गौर नजिकैबाट सोमबार बाबुुछोरा पक्राउ भएको प्रवक्ता कार्कीले जानकारी दिएका छन् । २०७२ फागुन १७ गते डोली मिश्रलाई उसको श्रीमान श्याम प्रकाश मिश्र, ससुरा खोभाडी मिश्र, देवर, सासुु र नन्द मिलेर दाईजो नदिएका कारण विभिन्न यातना पछी घा“टी थिचेर हत्या गरी फरार भएको प्रहरीले जनाएको छ ।
मृतक डोली मिश्रका बाबुु भारत बिहार शिवहर जिल्ला पिप्राढी पुनरवासका देवेन्द्र मिश्रको जाहेरीको आधारमा प्रहरीले कर्तब्यज्यान सम्वन्धि मुद्धा दर्ता गरेको थियो ।
हत्या मुद्धाका फरार सासुु, देवर र नन्दको खोजी भइरहेको प्रहरीले जनाएको छ ।