चन्द्रपुर । स्वर्गिय सन्तदास कार्की दासबावु तथा स्वर्गिय रामकुमार कोईरालाको स्मृतीमा प्रदेश नम्वर २ स्तरीय टी २० नकआउट क्रिकेट प्रतियोगिताको दोश्रो खेलमा रौतहट बिजयी भएको छ । आजको खेल रौतहट र सिराहा बीच भएको छ । खेलमा रौतहट ५ बिकेटले बिजयी भएको छ ।टस जितेर ब्याटिङ रोजेको सिराहाले ५३ रनको टार्गेट दिएको थियो । ५३ रनको लक्ष पछयाउदै १० दशमलब २ ओभरको खेलमा रौतहटले ५ बिकेटले जीत हासिल गरेको छ । सो खेलमा उत्कृष्ट खेलाडीको रुपमा रौतहटका संजय साह घोषित भएका छन । उनले ३ बिकेट लिएका छन भने १२ रन हासिल गरेका छन ।
स्वर्गीय शेरबहादुर दर्लामी खेल मैदानमा भैरहेको उक्त प्रतियोगितामा पर्सा, धनुषा, महोतरी, सर्लाही, रौतहट, सिराहा, बारा र सप्तरी जिल्लका टिमहरु सहभागी हुने छन ।
मंसिर ७ गते सर्लाही र महोतरी, ८ गते बारा र सप्तरी बिच हुने छ । सेमिफाईनल ९ र १० गते हुने र फाईनल खेल मंसिर १२ गते हुने बारे मुल समितिका सह संयोजक कल्याण कार्कीले जनसरोकारलाई जानकारी दिनु भयो ।
चन्द्रपुर लाइ बिभिन्न क्षेत्रमा महत्वपुर्ण योगदान दिने स्वर्गीय सन्तदास कार्की र स्वर्गीय राम कुमार कोइरालाको सम्मान र उनीहरुको योगदानको स्मरण गर्दै प्रतियोगिताको आयोजना गरीएको मुल समितिका संयोजक देवराज कार्कीले बताउनु भयो ।
